獅子山上有塊望夫石

近排網上就流傳一輯相片，大概就係有行山人士發現到位於獅子山上嘅望夫石，再次被塗鴉，今次就令岩石之上有唔少政治標語，範圍仲相當大添！事件引嚟各界批評，直到目前為止，呢塊岩石仲未得到妥善清理。

望夫石並唔係一塊普通岩石，關係呢塊岩石嘅故事相信唔少史友們都真係由細聽到大。相傳呢塊位於香港新界沙田區紅梅谷對上嘅小山崗係有住一個美麗嘅故事。早年有一個貧窮嘅農村家庭，一對自幼相處嘅青梅竹馬結婚生子，本來一家樂也融融。但係好景不常，由於天旱稻穀失收，為咗生計，丈夫被迫捨下妻兒與同鄉出洋謀生，點知一去不返。

妻兒生活淒苦依然，但每日都期待住一家團圓，於是妻子每日都帶住長子同幼子攀登山崗遙望遠海，風雨不改。而佢哋所站立嘅位置據講正正就係依家紅梅谷對上嘅小山崗，呢個故事亦都係咁樣廣泛流傳開去。